طب ع يً غ‘رٍيبً

طب ع يً غ‘رٍيبً


ايه انا اللي عشت /بالدنيا غريب
ما عرفت اللي أبي /وسط الزحام

يمكن اتغلّى/ و لكن ما اغيب
يمكن اتشرّه/ و لكن باحترام

( ما هو اكبر هم / ادوّر لي حبيب)
و الطموح ابعد / من احدود الغرام

و ان عشقت ..؟ / العشق و الله ما يعيب
دام لي مبدأ/ و قيمه/ و اهتمام

شفني كيف ارمي يديني / " بالقليب "
ما لقيت الا الصدى / وسط الظلام

و الصدى ( جاوب) / و انا ماقدر ( اجيب )
و ادري اني ( لو ابي جبت الغمام )




كل من حولي / على افعالي رقيب
و القرايب همّهم / بس الملام

خيّبوا فيهم /ظنون ٍ ما تخيب
لين حدّوني / على عيال الحرام

يحسبوني لا تردّا بي / نصيب
برمي احزاني / على قلوب الأناام

مندفن في وسط صدري / قلب ذيب
ما دِفنت الراس / يا روْس النعام

صرت اضم ّ الجرح بعيوني / و اطيب
و اجمع همومي / على صدري .. و انام

يا قصيدي و انت لي / حسبة صحيب
تفزع لهمّي / اذا شح ّ .. الكلام

خلّك لأوتار حزني / عندليب
دام بين الليل/ و الصبح انسجام

لا تحط ّ اللوم /كله بالنصيب
و لا تخليني / على حد ّ ..انهزام

طبعي أغرب / و الغريب/ اني غريب .!!
ما عرفت اللي أبي /وسط الزحام ..