كانك تبينا نتفارق .. خلّها الليله

اليوم صوتي يناسب لحظة الفرقا
كانك تبينا نتفارق .. خلّها الليله

من ينتظره الشقى .. لو ينتظر يشقى
دام الشقا ينتظرني .. ليه مااجي له ؟!

ياقلبي المنتظر .. مكتوب لك تبقى ..
محروم حتى من اللي كنت تشكي له

خل المراكب تسير ..و ودّع الغرقا
في موادع الحمْل .. راحة من هو يشيله

اللي يدّور عذر لفراقي .. بيلقى
يامن نويت المفارق .. قبل تمشي له ..

أرحل من احلامي اللي قلت لك ترقى
ومن روحي اللي ماعاد اعرف من هي له !!

ومن دفترك .. وأرتباك خطوطه الزرقا ..
ومن كل ضحكه , ودمعه .. في تفاصيله

أرحل .. و خذ ذكرياتك معك .. لاتبقى
ساعدني أرجع لنفسي كان لك حيله

علمتك الوصل .. علمني على الفرقا
محتاج لي قلب .. يشبه قلبك .. الليله