تدري ليا دقيت وشهو مسميك ؟

يلي نويت الصد ربي يجازيك
.............. يمكن تحصل بالعرب شخص قدي
وأليا لقيت اللي يحبك ويغليك
...............مثل غلاتك ياريش العين عندي
بقولك يا عل ربي يهنيك



...............ولو طالت الأيام ما باح سدي
لو يزعلك ما نام حتى يراضيك
............... ويضيق صدره يوم عنه تصدي
أليا زهمته يأريش العين ياتيك
................ يطيب لك ماهوب فيك متردي
يقوله اللي ميت(ن) يالغضي فيك
................ أقرب بشر حبك عليه متعدي
وتدري ليا دقيت وشهو مسميك ؟
................ يا مرحبا حييت يابعد جدي
ان غبت ضاق الكون وأجلس أحاتيك
................ وأسهر ودمع العين من فوق خدي
والمشكله والله ماودي أجافيك
................ ولمجاملك يازين ماهوب ودي
غيري فلا تعنيه ياكيف يعنيك
.............. ولو يجرجك عذره ماهوب كان قصدي
بالغش والتزوير دايم يحاكيك
................ ودايم معك في كذبته مستعدي
بالله قلي كم مره أوصيك ؟
................ وفوق التجاهل له علومي تودي
خله وتلقاشخص مثلي يداريك
................. وإلا أنا مابيك للغير لدي
حتى ولو أصبح وامسي بطاريك
................ صبرت صبر(ن) منه وصلت حدي
واجد ترى اللي طمعته لمسة يديك
................ يحسن بمنطوقه يالينك تمدي
أحفظ كلامي ياعسى الرب يحميك
................ مامن بحر من غير جزر(ن) ومدي
وشرب(ن) ماهو بيديك ماهوب مرويك
............... وقال المثل لأتخيل برق مصدي