اشـتــقــت لــك

اشتـقـت لـك.. شـوق الصحـاري للامطـار


ياللـي غـلاك بـداخـل الصـدر.. منحـوت



إي والله انـي عــقـب فرقـاك.. مـنـهـار


واخاف ياخـذنـي قبـل شوفـك.. الموت



ياليـت وقتـي ما بـنـى دونـك.. جـدار


أو ليتني.. مارخصـت فـي قيمة التوت



وينـك ؟ تعال الحق علي.. شوف وش صار


أبـكـي وانـادي باسمـك.. ويرجـع الصـوت



وشوف الوفـا.. بـذره نبت بارضـي.. اشجـار


أسقـيـتـه اخـلاص و مـواويــل و بـيـوت



الضيـق.. فـي بعـدك علـى الصـدر.. مسمـار


من يوم غبت.. وهو على الصـدر.. مثبـوت



لـي عـام صابـر.. وانتظـر قطـف الاثمـار


وله عـام حبـك داخـل الـدم.. مفـتـوت



واخـاف جـور اللــي إذا دار.. جــوّار


لادار جار.. ومـا لــدوراتـه وقــوت



مــمـا عـرفتـه مـن صــواديـف الاقـدار


الوصـل روح ، وكلمـة فـراق تـابــوت



والـروح طيـر ، وخـايف انـه إذا طـار


مـاعـاد تلـقـانـي وتـنـدم على الفــوت





وســـلامـــتكــــــم...

,,تحياتي