الجرح جرحي ودمه فوق سكيني ..

الجادل اللي عليها البعد طاويني
......................................... من دونها الياس ناخ وعقل اركابه
يجيبها الحلم والا الها يوديني
....................................... ساعــه من النـوم جفنـي ماتهنابــه
اسرح بغيبوبتي وافيق من حيني
...................................... واصحا على لمس كفيها وترحابه
من دونها لحقة المشروه حاديني
..................................... والا ماني عاجزن لاقف على بابه
من حشمة اللي وصل عمر الثمانيني
..................................... لعلني مسمع بيومه ولا غيابه
اللي عطاني نصيحه بينه وبيني
.................................. حفضتها غيب ماهي خط واكتابه
اقسمت بالله لو ماهو موصيني
.................................... لاسوق ركب الشجاعه واتعزوابه
الجرح جرحي ودمه فوق سكيني
.................................... وش دخل الناس تنشدني عن اسبابه
عن الاجابه سكوتي ماهو مرضيني
....................................... ومن باب مالك دخل اسكت ولا جابه
ياقو صبري وياصبري على سنيني
...................................... سترت وجه الحيا لاجرد اثيابه
لاجات مابين متميدح ومسكيني
........................................ تركتها لعين حرن كف مخلابه
اعصامي الراي بالدنيا وبالديني
...................................... اقدره واستحي واغليه واهابه
ماهي مخافه منه لاكن يكفيني
................................... لاشح وجه الزمان وكشر انيابه
يابنت وش عذر دمع الحزن من عيني
................................... كفيه قولي فديت الدمع واهدابه
وقولي لهم والله انه ماهو ناسيني
..................................... من راس لابه وعشقه بنت اسد غابه
وان كان ماصفق الجمهور عزيني
.................................. على ضريح القصيد ودمي اترابه