قصيدة دكتور الأعصاب

ضْغوط الاحلام والتفكير ومصابي
دكتور الاعصاب ما تدري عن اعصابي
لا تقول لي ويش فيك تفكر زياده ..؟
كم لي وانا آطرق الابواب وابوابي
عيت تقول الطريق اللي تخيرته
لو قلت بأمشي عليك / يقول لك مابي
نهايته صفحتين وهامش ومرجع
وبالصدفه المرجع اللي قاله / كتابي
وقعدت اقلّب بصفحاته قبل لأرقد
الين داعب جديد احلامي / اهدابي
و شفت [ الحياه بعيوني ] كنها طفلة
تقول للوقت بالله ويش تبغابي
يَتَمْتَنِي حِيْنَمَا مَاتَا أبَوُيَّا
مُذْ ذَاكَ وَ المَوُتُ مُلْتَجِأً بِ مِحْرَابِي
دَعْنِي وشَأْنِي فَ إِنَّ المَوُتَ خَاطِفُنِي
ولَيْسَ يَبْكِي عَلَىْ المَخْطُوُفِ إرهابي
كَانَتْ تُخَاطِبَ وَجْهَ الوَقْتِ فِيْ وَجَلٍ
فِيْ حِيْنِهَا كَانَ يُبْكِي الصَوُتُ / إِعْرَابِي
ياحسرتي يوم عيني هلت الدمعة
على غصون الرموش توقع أسرابي
اسراب حزنٍ عليَ يبين تأثيره
كنه ليا ابطى وجا يمي تحفوابي
ياحزن تكفى عليك الله وأمان الله
محتاج لي وقت اغسل دمعة أهدابي
وإن قلت لي ويش فيك أقول وش فيني !!
ضايق وأحس الحياه اضيّق من ثيابي
واعصابي التالفه ماهيب من فكري
دكتور الاعصاب ما يدري عن اعصابي

,,تحياتي

اعجبني ماطرحتيه ..

مبدعه لبى قلبك

اسعدني مرورك ياصمت